Në njoftimit e televizionit publik thuhet Bordi dhe Menaxhmenti i Radio Televizionit të Kosovës në mbledhjen e mbajtur të shtunën me datë 16 prill 2022, kanë vendosur të ofrojnë hapësirat e transmetuesit publik (zyra, tavolina, qasje në internet dhe të gjitha pajisjet përkatëse të punës) për katër gazetarë nga Ukraina
“Pas vendimit të Qeverisë së Republikës së Kosovës për strehimin e 20 gazetarëve nga Ukraina, në koordinim me Qendrën Evropiane për Lirinë e Shtypit dhe Medias (ECPMF) dhe Federatën Evropiane të Gazetarëve (EFJ), Bordi dhe Menaxhmenti i Radio Televizionit të Kosovës në mbledhjen e mbajtur të shtunën me datë 16 prill 2022, kanë vendosur të ofrojnë hapësirat e transmetuesit publik (zyra, tavolina, qasje në internet dhe të gjitha pajisjet përkatëse të punës) për katër gazetarë nga Ukraina. Radio Televizioni i Kosovës planifikon t’u ofrojë akomodim në hapësira të punës deri në gjashtë muaj katër gazetarëve ukrainas, të cilët u detyruan të largohen nga vendi i tyre pas agresionit të Rusisë ndaj Ukrainës”, thuhet në komunikatë.
Sipas komunaiktës thuhet se në përputhje me dokumentin zyrtar të këtij vendimi, prioritet do të kenë gazetaret gra të cilat do të zgjidhen nga Federata Evropiane e Gazetarëve (EFJ) dhe Qendra Evropiane për Lirinë e Shtypit dhe Medias (ECPMF).
“Radio Televizioni i Kosovës do të ndajë të gjitha pajisjet e nevojshme në hapësirat e veta të punës si në ndërtesën e televizionit ashtu edhe në atë të radios, ndërsa një bashkëpunim i ngushtë në këtë drejtim do të bëhet me Asociacionin e Gazetarëve të Kosovës (AGK)”, thuhet në komunikatë.
AGK sot ka njoftuar se ka arritur në Kosovë, gazetarja e parë ukrainase, Lyudmila Makey, e cila është pritur edhe nga kryeministri Kurti.
Përveç saj në Kosova pritet të vijnë edhe 19 gazetarë të tjerë.
Po ashtu Kosova pritet të strehojë edhe rreth 500 qytetarë nga Ukraina./Teve1.info/
Vërejtje: Ky shkrim është publikuar më herët me një lëshim në titull, ku thuhet se RTK do t’i punësojë 4 gazetarë nga Ukraina.
Teve1.info i kërkon falje transmetuesit publik për këtë lëshim se gjithë lexueseve tanë!
Lexo edhe
https://teve1.info/lajmet/agk-njofton-per-ardhjen-e-gazetares-se-pare-nga-ukraina-ne-kosove/
https://teve1.info/lajmet/kurti-takon-gazetaren-ukrainase-do-te-kujdesemi-per-kushte-te-pershtatshme-per-pune-dhe-jetese/
