Kryetari i Kamenicës, Kadri Rahimaj ka akuzuar Asociacionin e Komunave të Kosovës për mos shqyrtimin të kërkesës për anëtarësim të katër komunave në veri të Kosovës.
Rahimaj në një postim në Facebook, ka shkruar se në mbledhjen e Këshillit të Kryetarëve kërkesa për anëtarësim të komunave veriore prap i është refuzuar, ku me vota të partive të tjera nuk është shqyrtuar si pikë e rendit të ditës.
“Për shtatë muaj Bordi i AKK-së nuk ka trajtuar kërkesën e komunave në veri të vendit për anëtarësim.Sot në mbledhjen e Këshillit të Kryetarëve kemi paraqitur kërkesën tonë që të futet në rend dite shqyrtimi i anëtarësimit të komunave të veriut të vendit, por e njejta fillimisht u refuzua me debat injorues dhe më pas me votë të partive të vjetra u pumundësua të futet si pikë e rendit të ditës”, ka shkruar ai në Facebook.
