Teksa u është bërë thirrje qytetarëve që sot të protestojnë në mënyrë të qetë dhe të mos bien pre e provokimeve të mundshme.
Sipas njoftimit, thuhet se Policia mbetet e angazhuar në forcimin e rendit dhe sigurisë publike, ofrimin e sigurisë ndaj qytetarëve si dhe ndërmarrjen e masave policore konform situatës dhe zhvillimeve në veri të vendit.
“Sot, në veri të Mitrovicës është paralajmëruar të mbahet një protestë/tubim, andaj lidhur me këtë Policia e Kosovës duke njohur të drejtën për tubime publike përmes protestës paqësore, sipas detyrës zyrtare kujdeset për ruajtjen e rendit dhe qetësisë publike si dhe detyrave të përcaktuar sipas Kushtetutës së Republikës së Kosovës.Duke ditur rrethanat dhe situatën e brishtë të sigurisë të krijuar nga grupet kriminale në veri të vendit dhe tendencës për destabilizim të situatës, Policia e Kosovës fton qytetarët që të kenë vëmendje dhe kujdes të shtuar përgjatë thirrjes së kësaj proteste, të protestojnë në mënyrë të qetë dhe të mos bien pre e provokimeve të mundshme, të çfarëdo natyre qofshin ato”, thuhet në njoftim.
Ndryshe protestuesit veçse kanë filluar të grumbullohen, teksa janë parë edhe autobusë të organizuar me qytetarë serbë të cilët janë duke ardhur për të marrë pjesë./teve1.info./
