Ministri i Mbrojtjes, Armend Mehaj, ka bërë thirrje që të vazhdohet kontributi i qytetarëve në Fondin e Sigurisë.
Ai ka thënë se FSK po konsolidohet në vazhdimësi, por që të jetë më e fortë duhet ende investime dhe për këtë ka ftuar qytetarët të kontribuojnë.
“Ushtria jonë përmes investimit në armatime dhe pajisje të tjera ushtarake po konsolidohet në vazhdimësi. Që të jetë edhe më e fortë për të garantuar një Kosovë më të sigurt, të gjithë ju qytetarë të dashur mund të kontribuoni duke dhuruar në Fondin e Sigurisë në llogarinë aktive brenda apo jashtë vendit”, ka shkruar Mehaj.
Ai të dielën bashkë me kryeministrin Kurti kanë prezantuar dy dronë ushtarak të blerë nga Turqia.
Qeveria e Kosovës vitin e kaluar kishte themeluar Fondin e Sigurisë, kjo për të mbështetur FSK-në.
Por shuma e mbledhur në këtë fond nuk është bërë publike./teve.info/
