“Deputetët s’kanë mandat me i cenu trupat tanë”.
Ishte ky mesazhi që dhanë para dyerve të Kuvendit.
Këto gra, në protestë i nxori diskutimi për Projektligjin për Shëndetin Riprodhues dhe Fertilizim të Asistuar Mjekësor.
Aty kërkuan edhe shkarkimin e kryetares së Komisionit për të Drejtat e Njeriut, Duda Balje.
E sociologu Genc Xërxa tregon për televizionin pasojat që ka sipas tij, fertilizimi i asistuar mjekësor.
Me këtë projektligj nuk pajtohet avokati, Asdren Bytyqi.
Sipas tij, i njëjti ka aspekte të dëmshme sa i përket çështjes së sterilizimit dhe fertilizimit te gratë që janë të pamartuara.
Ndërkaq, Ministri i Shëndetësisë, Arben Vitia, në një prononcim për media u shpreh se finalizimi i këtij projektligji do të mundësojë që gratë të kenë një proces të mirë në sistemin publik.
Këtë projektligj, Kuvendi i Kosovës e ka miratuar në lexim të parë, e që ishte kundërshtuar ashpër nga një pjesë e deputetëve.
