Anëtari i Kryesisë së Partisë Demokratike të Kosovës, Bernard Nikaj, tha se Serbia në këto momente, nuk po e zbaton më as njohjen defacto.
Po ashtu, Nikaj përmendi edhe letrën e dërguar nga ish-presidenti Trump dhe presidenti Biden, në adresë të Vuçiqit për të kërkuar njohjen e Kosovës, teksa tha që këta të fundit patën kërkuar njohje të ndërsjellë, por që marrëveshja e Brukselit dhe Ohrit, flet për njohje defacto.
“Marrëveshja e Brukselit dhe Ohrit, flet për njohje defacto, jo njohje de jure. T’i kujtojmë letrat e presidentit Trump dhe Biden, duke dërguar letra për dialogun Kosovë-Serbi, teksa kanë kërkuar nga palët arritjen e një marrëveshjeje finale, gjithëpërfshirëse, ose njohje të ndërsjellë. Pastaj, nga një njohje e ndërsjellë, kemi shkuar tek një njohje defacto dhe Serbia në këtë moment, as këtë njohjen defacto nuk po e zbaton”, deklaroi Nikaj në emisionin “Infonata”.
I pyetur se a është procesi i dialogut aktualisht në një status quo të re, Nikaj tha se përveç kësaj, dialogu ka degraduar që një periudhë të stërzgjatur./teve1.info/.
