Shtatë persona janë transferuar për Emergjencën në Prishtinë, pas lëndimeve të marra nga aksidenti i autobusit me nxënës nga Presheva, i cili ka ndodhur të shtunën rreth orës 16:00 në magjistralen Prishtinë – Pejë.
Këtë e ka bërë të ditur doktoresha Qëndresa Makolli nga Qendra e Kryesore e Mjekësisë Familjare në Bresje.
Ajo në një deklarim për Tëvë 1 ka thënë se me të arritur në vendin e ngjarjes ndihmë mjekësore u kanë dhënë 17 personave , ndërsa disa të tjerë janë referuar për qendrat më të afërta mjekësore.
Makolli ka thënë se lëndimet e personave kryesisht kanë qenë në gjymtyrë, të cilët kanë pasur gërvishtje dhe prerje.
Autobusi me maturantë nga Presheva të cilit kanë qenë duke u kthyer nga ekskursioni nga Shqipëri është aksidentuar në magjistralen Prishtinë- Pejë. Në këtë aksident është përfshirë edhe një kamion dhe një veturë.
Policia përveç informimit fillestar ku ka konfirmuar aksidentin edhe nuk ka dhënë detaje të reja./teve1.info/
