Ministri i Financave, Hekuran Murati ka publikuar të dhënat e raportit preliminar për shpenzimet e buxhetit të vitit 2023.
Sipas të dhënave të publikuara, shpenzimet e vitit 2023 kanë qenë të rritura 13%, krahasuar me vitin paraprak.
Sipas njoftimit të Muratit në Facebook, Investimet Kapitale ka qenë kategoria që është rritur më së shumti në vitin 2023, me 32%, më shumë se sa viti 2022.
Ndërsa, kategoritë tjera si Paga dhe Shtesa me 17%, Mallërat dhe Shërbimet gjithashtu me 17%, kurse Subvencionet dhe Transferet kanë pasur rritjen më të vogël nga të gjitha kategoritë, me vetëm 1%.
“Kategoria Paga dhe Shtesa është e dyta me kontributin më të madh në rritjen e buxhetit, me 114 milionë euro më shumë, apo 17% më shumë sesa viti 2022. Kjo tregon se në sektorin publik ka pasur rritje mesatare të pagave që ka tejkaluar shkallën mesatare të inflacionit prej 11.6% të vitit 2022. Mallërat dhe Shërbimet gjithashtu me 17% kanë trendin e njëjtë të rritjes, mirëpo si vlerë absolute rritja është përgjysmë më pak sesa kategoria Paga dhe Shtesa. Ndërsa Subvencionet dhe Transferet kanë pasur rritjen më të vogël nga të gjitha kategoritë, me vetëm 1%”, ka shkruar Murati./teve1.info/
