Përfaqësuesi i BE-së për dialogun Kosovë-Serbi, Miroslav Lajçak, ka thënë se propozimi i parë për Asociacionin i paraqitur nga ekipi drejtues më 2 maj në Bruksel nuk është përfundimtar.
Lajçak, ka thënë se ai draft-statut është një pikë fillestare e rëndësishme për diskutimet e ardhshme në nivelin e negociatorëve kryesorë.
Në ngjarjet javore, Lajçak takimin mes kryeministrit të Kosovës, Albin Kurti, dhe presidentit të Serbisë, Aleksander Vuçiq, me ndërmjetësuesin e BE-së, Josep Borrell, e ka cilësuar si eventin më të madh të javës.
Mes tjerash për takimin e 2 majit, Lajçak ka thënë se është diskutuar çështja themelore e personave të zhdukur gjatë luftës së fundit në Kosovës, shkruan teve1.info.
“Jam i lumtur të shoh të dy liderët të bien dakord të punojnë së bashku për të sqaruar fatin e personave të zhdukur gjatë luftës. Ne mirëpresim deklaratat e tyre për personat e zhdukur dhe presim që ata të bëjnë progres në mbylljen e rasteve të mbetura pezull. Nuk do t’i ndihmojë vetëm familjet e të zhdukurve të gjejnë paqen e kërkuar prej kohësh, por edhe do të përshpejtojë normalizimin mes Kosovës dhe Serbisë”, ka shkruar Lajçak përmes një postimi në Facebook.
Sipas tij, të dyja palët kanë bërë një hap të rëndësishëm dhe simbolik drejt krijimit të Asociacionit.
“Palët bënë edhe një hap të rëndësishëm dhe simbolik drejt krijimit të Asociacionit/Shoqatës së fshatrave me shumicë serbe”, ka thënë ai.
Ndërkohë, një ditë pas këtij takimi të prezantimit të draft-statusit, ministri i Pushtetit dhe Administrimit Lokal, Elbert Krasniqi, ka njoftuar se ka liruar nga detyra Ekipin Menaxhues për hartimin e draft-statutit të Asociacionit, ku ka thënë se ky ekip është edhe vetë pa status. /teve1.info/
