Kryeministri i Kosovës, Albin Kurti, është nisur sot (të hënën) drejt Brukselit, ku të martën do të takohet me presidentin e Serbisë, Aleksandër Vuçiq, në kuadër të dialogut Kosovë-Serbi.
Bashkë me Kurtin ka udhëtuar edhe zëvendëskryeministri Besnik Bislimi dhe ambasadori i Kosovës në Bruksel, Agron Bajrami.
Në takimin e nesërm të dialogut pritet të nënshkruhet deklarata për të zhdukurit dhe do të diskutohet drafti i statutit të Asociacionit të komunave me shumicë serbe.
Kurti një intervistë për një medium kroat ka thënë se nuk do të lejojnë formimin e Asociacionit të Komunave me Shumicë serbe me kompetenca ekzekutive.
Ndërsa, ditë më parë është shprehur i gatshëm për nënshkrimin e deklaratës për personat e zhdukur gjatë luftës në Kosovë.
I dërguar i posaçëm i BE-së për dialogun Miroslav Lajçak e ka thënë se takimi i së martës është “veçanaërisht i rëndsishëm”./teve1.info/
