I dërguari i Bashkimit Evropian për dialogun Kosovë-Serbi, Miroslav Lajçak, ka thënë se takimi i dy majit ndërmjet kryeministrit të Kosovës, Albin Kurti dhe presidentin serb Vuçiq është i tejet i rëndësishëm.
Ai në një postim në Facebook në të cilin ka bërë një përmbledhje të aktiviteteve gjatë javës së kaluar ka thënë se takimi me Kurtin ishte me qëllim të përgatitjes në detaje në takimit.
“Me t’u kthyer në Bruksel, pata një nga shkëmbimet e mia të rregullta me socialdemokratët në Parlamentin Evropian, të cilët ndjekin nga afër rajonin dhe rregullisht udhëtojnë dhe ndërveprojnë me Ballkanin. Dhe e mbylla javën time me diell, ku mora pjesë në Forumin Ekonomik të Delfit në qytetin antik të Delfit. Greqia, si një fqinj i Ballkanit, e njeh dhe e kupton mirë rajonin dhe prandaj forumi i kushtoi vëmendje të veçantë të ardhmes së rajonit. E informova mikun tim të mirë, ministrin e Jashtëm, Nikos Dendias për zhvillimet e fundit të dialogu. U takova me kryeministrin Albin Kurti për t’u përgatitur në detaje për takimin e ardhshëm të nivelit të lartë më 2 maj, i cili do të jetë një takim veçanërisht i rëndësishëm”, ka shkruar ai.
Sipas agjendës së BE-së në takimin e 2 majti do të prezantohet draft-staturi për Asociacionin dhe do të nënshkruhet deklarata për të zhdukurit gjatë luftës në Kosovë./teve1.info/
