Kryeministri i Kosovës, Albin Kurti, ka thënë se shkuarja e kryetarëve të komunave veriore në zyrat e tyre për tu ofruar shërbime qytetarëve duhet të trajtohet si normale.
Këto komente ai i ka bërë gjatë takimi me Përfaqësuesin Special të Gjermanisë për Ballkanin Perëndimor, Manuel Sarrazin, i cili të premten ishte për vizitë siç e ka quajtur ai “spontane” në Kosovë.
“Kryeministri theksoi rëndësinë e respektimit të rezultateve të zgjedhjeve demokratike, duke shtuar se shkuarja e kryetarëve të komunës në zyrat e tyre të punës dhe ofrimi i shërbimeve bazike për qytetarë duhet të trajtohen si gjë normale”, ka thënë ai, thuhet në komunikatë.
Sipas komunikatës në takim u diskutua për procesin e pas-zgjedhjeve në katër komunat në veri të vendit, përfshirë këtu betimin dhe ditën e parë në punë të kryetarëve të zgjedhur.
Sarrazin ka takuar edhe presidenten e Kosovës, Vjosa Osmani.
Poashtu ai ka qëndruar dhe në veri të Kosovës, ku ka thënë se dita e premte ishte e keqe për Kosovën dhe Ballkanin Perëndimor./teve1.info/
