Shkak i rritjes së çmimeve të drurit e peletit, disa komuna anuluan tenderë dhe rritën shumën e paraparë për kontrata me furnizuesit.
Komuna Hanit të Elezit ka anuluar tenderin për furnizim me dru që përdoret për ngrohje në stinën e dimrit.
Kjo pasi që të gjithë ofertuesit tejkalonin shifrën e paraparë për tender prej 21 mijë euro.
Sipas kryetarit të komunës, Mehmet Ballazhi, druri është lënda djegëse kryesore për institucionet publike aty.
Ndryshimet në çmim po i vërejnë edhe banorët, e kësaj komune.
Edhe komuna tjetër e kësaj zone, ajo e Kaçanikut, ngrohen me dru, pelet dhe derivate.
Për dru e derivate, komuna ka kontrata kornizë nga vitet e kaluara.
Derisa, kryetari i Kaçanikut, Besim Ilazi, furnizimin me pelet e konsideron si më problematik, pasi edhe çmimi i tyre ka pësuar rritje.
Pavarësisht se çka përdorin për ngrohje, kaçanikasit thonë se rritja e çmimeve po ndikon në planifikimet buxhetore familjare.
Që nga e hëna, Kosova ka shpallur gjendjen emergjente për energjetikë, për të cilën niveli qendror mori disa masa.
Kronika e realizuar nga Florijeta Dernjani
