Siç raporton gazetarja e Tëvë1, Fetije Kamberi, kamionët janë vendosur tek udhëkryqi i Shkollës Teknike, por edhe nga pjesa e Lagjes së Boshnjakeve.
Kamionët janë të mbushur me dhe.
Kjo nuk është barrikada e vetme që nga grupet kriminale sipas Policës së Kosovës është vendosur gjatë mbrëmjes së kaluar.
Një tjetër barrikadë është vendosur te vendi i quajtur “Kershi i Dudes”.
Vendosja e barrikadave të reja është bërë në kohën kur thirrjet e BE-së dhe KFOR-it janë shtuar për largimin e tyre.
Kryeministri Kurti të hënë ka zhvilluar takim me komandantin e KFOR-it dhe shefin e EULEX-it, ku sipas komunikatë së Qeverisë u tha se ka pasur pajtim që barrikadat të hiqen.
Por, KFOR-i në njoftimin për takimin me Kurtin që ka zhvilluar komandanti i tyre nuk ka dhënë shumë detaje. Aty është thënë se është diskutuar për situatën e sigurisë.
Kurti në deklarime për media ka thënë se ato nuk mund të qëndrojnë përjetësisht dhe nëse KFOR-i nuk i largon, Policia e Kosovës ka kapacitete të bëjë një gjë të tillë./teve1.info/
