Ai ka thënë se në vitin 2020, me marrëveshjen e Washingronit ata pranuan që Kosova të bëhet pjesë e kësaj nisme pasi morën garancën se “pjesëmarrja jonë në këtë nismë do të jetë mbi baza plotësisht të barabarta dhe se kjo nismë rajonale, dhe cilado nismë tjetër, ka sukses vetëm kur marrin pjesë të gjitha vendet”.
Ai thotë se këto dy, si dhe faktin se kjo nismë është vetëm për bashkëpunim ekonomik, u theksuan dje në Ohër shumë qartë nga zyrtarët amerikan.
“Në terma praktik, parimi i parë nënkupton se Serbia detyrohet ta njoh subjektivitetin shtetëror të Kosovës në marrëdhëniet rajonale në çdo aspekt sikurse të çdo vendi tjetër, pasi pjesëmarrja e palëve është në baza plotësisht të barabarta. Ndërkaq, parimi i dytë nënkupton se Serbia nuk mund të dominojë tregun rajonal kur të gjitha vendet e rajonit marrin pjesë në këtë nismë”, ka shkruar Hoti në Facebook, shkruan teve1.info.
Ai thotë se çdo nisë rajonale është e përkohshme, pasi synimi është integrimi në BE.
“Kosova duhet të bashkërendojë politikën e saj të jashtme me partnerin e saj strategjik, Shtetet e Bashkuara të Amerikës, si dhe me Bashkimin Evropian. Kosova mund të bëhet pjesë e nismës rajonale “Ballkani i hapur” vetëm në koordinim dhe me garancat e SHBA-së”, ka shkruar Hoti.
Kosova vazhdon të refuzojë pjesëmarrjen në këtë nisë rajonale. Të mërkurën i dërguari i posaqëm i SHBA-së për Ballkanin Perëndimor, Gabriel Escobar tha se ata e mbështesin “ Ballkanin e Hapur” me pjesëmarrjen e gjashtë shteteve të Ballkanit Perëndimor në të.
Edhe Mali e Zi e Bosnja të cilat deri më tani kanë refuzuar këtë nismë të filluar nga Serbia,Shqipëria e Maqedonia Veriore, kanë dhënë sinjale se do ti bashkohen./teve1.info/
