E ftuar në emisionin “Respublika”, në Tëvë1, ajo tha se Kosova duhet të punojë gradualisht dhe me shumë kujdes që ti kthejë institucionet në veri të Kosovës.
“Ne nuk kemi nevojë me shit patriotizëm e me thonë se unë nesër do i heki, nesër s’do i heki, sepse çdo veprim krye në vete mundet me na sjellë në një situatë të paparashikuar dhe të panevojshme.. Ne duhet të kemi shumë maturi, shumë kujdes edhe gradualisht ti kthejmë institucionet tona atje edhe ata serbët e veriut, unë jam e sigurt që janë të vetëdijshëm, sepse dorën në zemër nuk ka asnjë shtet evropian demokratik privilegje më shumë sesa kanë serbët e Kosovës në Kosovë”, tha ajo.
Ish-deputetja e LDK-së, ka thënë se Kosova duhet të ketë partneritet me faktorët ndërkombëtar per të përmbyllur procesin e dialogut.
“Ne kemi nevojë me pas partneritetin korrekt me gjithë faktorët ndërkombëtar dhe me përmbyllë çështjen e dialogut me Serbinë dhe kjo ka qenë publike prej zyrtarëve më të lartë të administratës ndërkombëtare duke përfshirë edhe SHBA-në edhe Bashkimin Evropian, që viti i ardhshëm marsi, prilli ka pas me u përfundua ky dialog”. ka thënë ajo.
