Ankesat e qytetarëve vazhdonin.
Derisa në komunikatat e kreut të qeverisë, Albin Kurtit – deklarohej për rënie të inflacionit.
Por kjo po kundërshtohej në vazhdimësi nga opozita e njohës të ekonomisë.
“E vërteta është që nuk qëndrojnë këto shifra të kryeministrit”, tha deputeti nga radhët e PDK-së, Ferat Shala.
Ndërsa, deputetja e LDK-së, Valentina Bunjaku, thotë se iInflacioni është në rritje dhe tani më këta dy muaj çmimet janë ngritur edhe më tepër e pagat janë të njëjta.
“Ka një stagnim të inflacionit dhe të disa çmimeve, por shporta e konsumatorit janë ende të larta”, thotë njohësi i ekonomisë, Muhamet Mustafa.
Si pasojë, braktisja e vendit nisi edhe nga qytetarët me kushte të mira ekonomike.
“Asnjëherë nuk ka qenë më i madh numri i qytetarëve që e kanë lëshuar Kosovën sikur që po ndodhë tani. Më herët arsye për largim nga Kosova ishte gjendja e rënduar ekonomike ndërsa tani Kosovën po e lënë edhe ata me gjendje të mirë materiale”, është thënë nga KMDLNj.
Por, kjo nuk ishte arsyeja e vetme e ikjes së punëtorëve.
“Më skandalozja është që tani për tani kur flasim, këto biznese të cilat nuk i kanë trajtuar siç duhet punëtorët vendorë”, thotë Mustafë Kadriaj.
E në vazhdën e ikjeve, pati edhe prurje të fuqisë punëtore.
“Janë disa shtete që dëshirojnë të vijnë punëtorët si Turqia, Bangladeshi, India poashtu edhe nga shtetet tjera arabe”, thotë Agim Shahini nga Aleanca Kosovare e Bizneseve.
“Po ka edhe të huaj të cilët po e mësojnë edhe gjuhën edhe po adoptohen për pjesën e shërbimit të jashtëm. Normalisht që kjo nuk është diçka mirë nëse shohim sepse ka ende plot të papunë të cilët nuk po angazhohen”, thotë Arian Vraniva nga Shoqata e Gastronomëve.
Mirëpo, ardhja e fuqisë punëtore të re nuk i zbehu sfidat e bizneseve.
E cilat janë këto sfida, tregon Oda Ekonomike e Kosovës.
“Vitin e kalum në muajin shtator kishim inflacionin dyshifror, ku e mbërriu pikun e vet. E njejta situatë vazhdoi edhe në fillim të 2023-tës, duke ardhë muajt e verës filloi të stabilizohet, mirëpo ishte një sfidë e madhe për bizneset. Më pas ishte sfida e energjisë elektrike, pyetja e parë gjatë periudhës së dimrit se a do të kemi energji elektrike, nëse do të kemi a do të ketë rritje të çmimit. Ju e dini që qeveria u pajtua me organin rregullator që të ketë rritje të energjisë elektrike, më pas ajo u kontestua në gjykatë mirëpo ishte sfidë për bizneset sepse nuk e kishte sigurinë dhe parashikueshmërinë se sa do të kishte energji elektrike. Më pas është edhe një sfidë tjetër që e ndjek biznesin dy vitet e fundit, që ka vazhduar edhe gjatë vitit 2023 – është mungesa e fuqisë punëtore, qoftë e kualifikuar qoftë e pakualifikuar. Kjo ishte ndër sfidat e mëdhaja. Po ashtu sfidë tjetër ishte kërkesat adresuar institucioneve publike sidomos ekzekutivit që të ketë reforma në kuptimin e mbështetjes së biznesit, të ketë paketa për ta mbështetë biznesin, edhe ajo ishte një sfidë tjetër në vete. Po ashtu mos të harrojmë ta potencojmë mos pasja e investimeve publike në kuptimin e mos shpenzimit të investimeve të parapara të projekteve kapitale nga ana e qeverisë”, deklaroi Lulzim Rafuna nga Oda Ekonomike e Kosovës.
Sektori privat sipas ekonomistëve është më i prekuri.
Për projekte kapitale u ankuan edhe komunat.
“Po ka projekte për investime kapitale ku kriteret për investime hartohen nga ministritë e linjës dhe kjo po shihet si padrejtësi për komunat e RKS, e vetmja zgjidhje që është duke u kërkuar nga komunat e Kosovës që të eliminohen këto dilema është themelimi i granit të katër”, thotë Sazan Ibrahimi nga Asociacioni i Komunave të Kosovës.
Por nga të gjithë këto institucione – të kthehemi tek qytetari.
Në fundvitin e 2023-tës, për fëmijë dhe pensionist, qeveria ndau shtesa prej 100 eurosh.
E në të njëjtën periudhë, familjet kosovare u ballafaquan me ‘’fryrje’’ të çmimit të energjisë elektrike.
