Rreth 500 mijë euro është dëmi që është shkaktuar nga përmbytjet e të reshurave të shiut në objektet arsimore në qytetin e Skenderajt, raporton teve1.info.
Kështu kanë deklaruar gjatë një vizite në shkollat “Ahmet Delia”, “Anton Çetta” dhe “Hamëz Jashari”, kryetari i Komunës së Skenderajt, Fadil Nura, dhe drejtori për Arsim, Kastriot Duraku,
Ata kanë deklaruar se janë të angazhuar që dëmet e shkaktuara të sahohen sa më shpejtë që është e mundur, në mënyrë që të rikthehet procesi i rregullt shkollor.
Përmes një postimi në Facebook nga Komuna e Skenderajt, thuhet se “përmbytjet kanë shkaktuar dëme të mëdha në infrastrukturën e objekteve dhe në hapësirën e palestrave, ku sipas vlerësimit, llogaritet të jetë rreth 500 mijë euro vetëm në shkollat e komunës”.
Reshjet e shiut janë shkaktuar javë më parë edhe në qytet tjera si në Mitrovicë, Podujevë, Istog e Klinë.
