Në raportin e D+ janë dhënë edhe disa rekomandime të tjera.
Sipas Demokraci Plus, në bazë të vendimit në fuqi deputetët kompensohen për udhëtim nga 10 euro deri në 30 km, 20 euro deri në 60 km dhe 30 euro mbi 60 km.
Por si kompensohen deputetët në Parlamentin Evropian sipas raporti të D+.
“Masat e reja të cilat kanë hyrë në fuqi nga fillimi i vitit 2022 janë: • Në rast udhëtimi me makinë, maksimalisht prej 1000 km për udhëtim jashtë ose brenda: rimburësimi llogaritet: 0,56 euro/km; • për udhëtimet ndërmjet 0 dhe 50 km: 0,25 euro; • për udhëtimet ndërmjet 51 dhe 250 km: 0,14 euro/km; • shuma maksimale vjetore që mund të rimbursohet në lidhje me shpenzimet e udhëtimit jashtë vendit do të jetë 4 716 euro; • shuma maksimale vjetore që mund të rimbursohet në lidhje me shpenzimet e udhëtimit të kryera nga kryetarët e komiteteve ose nënkomiteteve që udhëtojnë për të marrë pjesë në konferenca ose ngjarje që kanë të bëjnë me një çështje me interes evropian që bie në sferën e përgjegjësisë së komitetit ose nënkomitetit të tyre dhe që kanë një dimensioni parlamentar do të jetë 4 716 euro. Një pjesëmarrje e tillë do të kërkojë autorizim paraprak nga Kryetari i Parlamentit”, thuhet në raport.
Rekomandimet D+ lidhur me kompensimin e udhëtimit të deputetëve.
Kuvendi i Kosovës të bëjë shfuqizimin e kompensimit automatik për udhëtim për deputetët duke marrë për bazë deklarimin e vendbanimit;
Kuvendi ta mbështesë rregullimin e kompensimet për udhëtime të deputetëve në Ligjin për Tatimin në të Ardhurat Personale (LTAP), teksa përcaktimi i vlerave (lartësisë së shumës) të kompensimit i lihet në diskrecion Kuvendit. Ky kompensim nuk duhet të jetë pjesë e pagës së përgjithshme të deputetëve, dhe i njëjti duhet të tatohet në harmoni me dispozitat e LTAP-s;
Kuvendi ta bëjë rregullimin e ri të kompensimit të shpenzimeve të udhëtimit të deputetëve në mënyrë sa më të detajuar, duke specifikuar kriteret e kompensimit, formën e kompensimit dhe raportimit, në mënyrë që të shmangen keqinterpretimet e mundshme;
Vlera (lartësia) e kompensimit të përditësohet çdo vit, duke u bazuar në çmimin në treg të karburantëve dhe normën vjetore të inflacionit./Teve1.info/
