Policia e Kosovës ka arrestuar pesë person në jug të Mitrovicës të cilin ishin në kërkim me urdhër të gjykatave për vepra të ndryshme penale.
Ata janë arrestuar të martën, ku tre nga ta janë dërguar në mbajtje, ndërsa dy të tjerë kanë paguar gjobë.
“Njësitet policore në kuadër të Stacionit Policor Jugu në Mitrovicë, gjatë ditës së sotme kanë arrestuar pesë persona të cilët ishin të kërkuar nga gjykatat për vepra të ndryshme penale.Si rezultat i veprimeve operacionale në realizimin e urdhëresave të gjykatave njësitet policore në lokacione të ndryshme në Mitrovicë, kanë realizuar tetëmbëdhjete (18) urdhëresa. Pas përfundimit të procedurave të nevojshme policore, tre nga të dyshuarit janë dërguar në vuajtje të dënimit, ndërsa dy të tjerë pasi që dënimi ka qenë i zëvendësuar kanë paguar gjobën dhe të njëjtit janë liruar”,thuhet në komunikatë./teve1.info/
