Është ndarë nga jeta veterani i Ushtrisë Çlirimtare të Kosovës, Zeqir Shala, raporton teve1.info
Lajmin për ndarje nga jeta të ish ushtarit të UÇK-së e bëri të ditur edhe deputeti i PDK-së, Ferat Shala përmes një postimi në Facebook.
Shala ka shkruar ndër të tjera se Zeqiri ishte luftëtar i orëve të para të UÇK-së.
Sipas Shalës, Zeqiri ishte jo vetëm luftëtar, por edhe motiv, frymëzim dhe guxim.
“Ishte organizator dhe aksionist i shkëlqyeshëm. Ai mbante gjallë humorin dhe traditën tonë edhe në vijat e luftës. Ai na bashkonte kur duhej të na bashkonte”, ka shkruar Shala në Facebook.
“Po ndahemi me një luftëtarë lirie, i cili nga orët e para të luftës për liri, ishte aktiv dhe pjesëmarrës në betejat e lavdishme të Grykës së Llapushnikut, Gjergjaj, Negrovcit, Vuçakut, etj”.
Shala ka thënë se emblema e Zeqirit, uniforma, arma dhe mjekra e tij, e kanë bërë të veçantë në gjithë periudhën e UÇK-së.
Lajmin për vdekjen e veteranit e ka bërë të ditur Organizata e Veteranëve të Luftës së UÇK-së, përmes një postimi në Facebook.
