Një 33-vjeçar nga Manastir, me inicialet A.R., dyshohet se ka sulmuar për vdekje me thikë bashkëshorten e tij në orët e hershme të mëngjesit. Si pasojë e plagëve të marra, 31-vjeçarja A.V., po ashtu nga Manastir, ndërroi jetë në vendngjarje.
Vdekjen e konstatoi ekipi i Shërbimit të Ndihmës së Shpejtë Mjekësore.
“Nëpunës policorë nga SPB Manastir e privuan nga liria A.R. (33) nga Manastiri. Ai dyshohet se sot në mëngjes, rreth orës 06:40, e ka sulmuar me thikë bashkëshorten e tij A.V. (31) nga Manastiri, me të cilën nuk jetonin së bashku, e cila nga plagët e pësuara ka ndërruar jetë në vendngjarje. Mjeku i Ndihmës së Shpejtë Mjekësore ka konstatuar vdekjen. Personi është ndaluar në stacion policor dhe pas dokumentimit të plotë të rastit, në koordinim me prokurorin publik, ndaj tij do të ngrihet kallëzim përkatës”, njoftuan nga MPB./Alsat M/
