Kryetari i komunës së Gjakovës, Ardian Gjini, ka njoftuar se i ka nënshkruar dy kontrata për vazhdimin e ndërtimit të Stadiumit të Qytetit në Gjakovë.
“Jam shumë i lumtur që sot nënshkruam dy kontrata për dy fazat në vazhdim për ndërtimin e Stadiumit të Qytetit”, ka shkruar Gjini në Facebook.
“Do të ndërtohen tribuna lindje, tribuna jug dhe fusha e gjelbër”.
Ai ka njoftuar që ky investim i ka kushtuar komunës dy milionë e gjysmë euro.
“Ky investim i komunës për të dy llotet është në vlerë prej 2 milionë e 541 mijë euro”.
Gjithashtu, Gjini ka njoftuar se janë nënshkruar edhe kontratat me firmat që do ti kryejnë punimet.
