Komuna e Prishtinës ka njoftuar se të gjithë qytetarët që hedhin mbeturina vëllimore apo inerte në hapësira publike do të gjobiten me 300 euro nga Inspektorati i Kryeqytetit.
Përveç gjobës, shkelësit do të detyrohen që vetë t’i largojnë mbeturinat e hedhura.
Në njoftim theksohet se nuk do të ketë tolerim për ndotësit e ambientit, ndërsa qytetarët janë ftuar të kontribuojnë në ruajtjen e pastërtisë së qytetit.
“Ta mbajmë Kryeqytetin të pastër dhe të kujdesemi bashkë për hapësirat tona publike. Prishtina e pastër është përgjegjësi e të gjithëve,” thuhet në njoftim.
Qytetarët mund të raportojnë shkelësit në numrat pa pagesë: 0800 12233 dhe 0800 12244, të vënë në dispozicion nga Inspektorati i Kryeqytetit./teve1.info/
