Gjatë fundjavës, në Qendrën Klinike Universitare të Kosovës janë regjistruar tre raste të vdekjes dhe janë dhënë rreth 1 mijë shërbime emergjente.
Sipas njoftimit, numri më i madh i pacientëve ka qenë në Reanimim.
“Gjatë fundjavës , në Qendrën Emergjente të Qendrës Klinike Universitare të Kosovës (QKUK) janë realizuar gjithsej 967 shërbime emergjente.
Sipas kategorive të trajtimit, janë realizuar:
291 pacientë në Reanimim;
224 pacientë në Emergjencën Internistike;
179 pacientë në Emergjencën Kirurgjike;
208 pacientë në Emergjencën Ortopedike;
62 pacientë kanë marrë shërbime në Sallën e Vogël, ku janë kryer qepje, përpunim dhe pastrim i plagëve”, thuhet në njoftim.
Tutje, në njoftim bëhet e ditur se 72 persona janë lënduar si pasojë e aksidenteve në trafik.
“Ndërsa sipas natyrës së lëndimeve, gjatë kësaj periudhe janë regjistruar 1 raste të lëndimeve nga armët e zjarrit, 3 rast nga armët e ftohta, 5 raste të intoksikimeve (helmime), 10 persona të përfshirë në përleshje fizike, si dhe 72 persona të lënduar si pasojë e aksidenteve në trafik.
Po ashtu, në fundjavën e fundit janë realizuar 86 pranime për trajtim në klinika të ndryshme të QKUK-së, ndërsa janë regjistruar edhe 3 raste të vdekjes (exitus)”, thuhet tutje në njoftim.
