Në emisionin “Info Nata” në Tëvë 1, Haliti ka mohuar kategorikisht se ka pasur ndikim politik në punësimin e tij.
“Këtë debat s’kisha dashtë më lëshu kaq poshtë. Nipin nuk e kam punësuar, ka qenë i punësuar. Problematikën që e kanë ngritë këto ditë pse disa problematika ngriten kur i nevojiten me i plotësu lajmet është çështje që dihet”, tha ai.
Sipas Halitit, nipi i tij është emëruar në këtë pozitë për shkak se është vlerësuar pozitivisht nga komisioni vlerësues.
Tutje, i pari i Komunës së Vitisë shtoi se lidhur me këtë çështje, nëse kërkohet atëherë ata do ta kthejnë në rishqyrtim.
Madje, ai ka përmendur edhe faktin se nipi i tij, i takon subjektit politik që është opozitë në këtë komunë – Lëvizjes Vetëvendosje.
“Ai ka punuar aty, komisioni ka vlerësuar e ka vlerësuar ankesa nuk është këtu ankesa e Agjencionit është se është këshilltar komunal i LVV-së nuk kam deshtë me u përzi këtë punën e aspekti i afësrsisë është temë tjetër dhe qëndrimet e mia në këtë aspekt mosndërhyrja ime edhe pse ka qenë i LVV-së kjo tregon korrektësinë time dhe normave në këtë rast nëse normat janë shkelë e fus në rishqyrtim”, shtoi ai./teve1.info/
