Për gjashtë muaj, tre kosovarë u arrestuan nën dyshimin për krime lufte në Serbi.
I fundit që u arrestua nga shteti serb ishte Tefik Mustafa, i cili po udhëtonte nga Kosova për në Itali.
Në pikën kufitare të Merdares ai u ndalua nga autoritetet serbe me pretendimin se ka qenë pjesëtar i Ushtrisë Çlirimtare të Kosovës.
E të hënën doli para Gjykatës në Beograd ku iu shqiptua masa e paraburgimit për një muaj.
Djali i tij, Qamil Mustafa tregon se a ishte babai i tij pjesë e UÇK-së dhe se kanë biseduar me të këto ditë.
Për arrestimin e Mustafës ka folur edhe Kryetari i Shoqatës së Familjarëve të OVL-UÇK-së, Xhavit Jashari.
Përveç Mustafës, në janar të këtij viti u arrestua Hasan Dakaj e në muajin prill Sadik Duraku.
Nga ajo kohë, Dakaj e Duraku po vazhdojnë të qëndrojnë në paraburgim në shtetin e Serbisë.
Njohësi i sigurisë, Nuredin Ibishi thotë se target i Serbisë nuk janë vetëm pjesëtarët e UCK-së, pasi dy prej të arrestuarve nuk kanë lidhje me luftën e fundit në Kosovë.
Familjarët e Sadik Durakut dhe Tefik Mustafës kanë thënë se kryefamiljarët nuk kanë qenë në Kosovë gjatë luftës së fundit.
