Bëhet e ditur se ky vendim është marrë pas rastit të ndodhur në Spitalin e Përgjithshëm të Pejës.
Sipas njoftimit, në këtë rast ka dështuar zbatimi i detyrave, informimi e adresimi në kohë i rastit nga ana e Inspektoriatit Shëndetësor.
“Sot pas shqyrtimit të të gjitha të dhënave dhe detajeve të rastit të rëndë të ndodhur në Spitalin e Përgjithshëm të Pejës është liruar nga detyra u. d. kryeinspektorit të Inspektoratit Shëndetësor, z. Shaban Osmanaj. Në këtë rast ka dështuar zbatimi i detyrave dhe misionit. Konkretisht ka munguar komunikimi, informimi i drejtë dhe mbi të gjitha adresimi në kohë i rastit nga ana e Inspektoriatit Shëndetësor”, thuhet në njoftim.
Tutje theksohet se u. d. ministrja e Shëndetësisë ka marrë të gjitha hapat për përgjegjësitë administrative dhe çështja sipas njoftimit po vijon të trajtohet deri në sqarimin përfundimtar.
Duke shprehur keqardhje për familjarët thuhet se ministria e Shëndetësisë shprehë mbështetjen për Prokurorinë e Policinë që të ndërmarrin veprimet e duhura drejt zbardhjes së plotë të ngjarjes.
“Duke shprehur sinqerisht keqardhjen më të thellë për familjarët dhe të afërmit që janë ballafaquar me këtë ngjarje tepër të rëndë, ripërsërisim se etika dhe mbrojtja e dinjitetit njerëzor për pacientët e qytetarët në përgjithësi duhet të garandatohet në çdo rrethanë nga institucionet shëndetësore. Kush nuk mbërrin ta përmbushë këtë, nuk mund të vijojë të mbajë pozita menaxheriale.Në të njejtën kohë shprehim mbështetjen për Prokurorinë e Policinë që sa më parë që është e mundshme të ndërmarrin veprimet e duhura drejt zbardhjes së plotë të ngjarjes dhe adresimin e personave përgjegjës konkretë të veshur me këtë përgjegjësi”, thuhet tutje.
Ndryshe rasti dyshohet se ka ndodhur gjatë javës së kaluar në Spitalin e Përgjithshëm të Pejës, kur një foshnje e lindur pa shenja jete dyshohet se është futur në rrobalarëse e mbështjellë me çarçafë nga personeli mjekësor./teve1.info./
