Ministrja e Punëve të Jashtme, Donika Gërvalla ka thënë se ndarja e këtyre mjeteve buxhetore arrin vlerën prej 100 mijë euro, raporton Teve1.info.
“Ministria e Punëve të Jashtme propozon për shqyrtim dhe miratim vendimin për ndarjen e mjeteve buxhetore në vlerë prej 100 mijë euro në emër të dërgimit të kontingjentit të parë të ndihmave humanitare nga Kosova për popullin e Ukrainës”, tha Gërvalla.
Sipas saj, “Kosova edhe përmes kësaj ndihme ofron mbështetje dhe shpreh solidaritetin e saj të pakursyer me Ukrainën dhe popullin e saj si dhe seriozitetin e saj si pjesë e botës së lirë dhe demokratike”. /teve1.info/
