Këto deklarata ai i ka bërë për Radiotelevizionin e Serbisë, teksa shtoi se Bislimi ka kërkuar që këto negociata të fillojnë, pas arritjes së marrëveshjes për energjinë, raporton Kosovo Online.
“Pas raundit të fundit të bisedimeve në zyrën e z. Miroslav Lajçak, ku ishin z. Lajçak, z. Bislimi dhe unë, z. Bislimi tha hapur se Prishtina është e gatshme të flasë për Asociacionin e Komunave me shumicë serbe kur të arrijmë marrëveshje për energji. Ne kemi arritur marrëveshje për energji, dhe është hapur rruga për formimin e Asociacionit”, tha Petkoviq.
Ndryshe, serbët tash e 23 vjet nuk paguajnë për shpenzimet e bëra, e ato janë mbuluar nga Qeveria e Kosovës dhe taksapaguesve të saj.
Të martën u ra dakord për udhërrëfyesin për zbatim të Marrëveshjes mes Kosovës dhe Serbisë për çështjen e faturimit të rrymës në komunat veriore të Kosovës, e arritur më 2013./teve1.info/
