Në një konferencë të përbashkët për media, Mehaj thotë se ka falënderuar atë për rolin që ka luajtur Italia për Kosovën në etapa të ndryshme.
“Me ministrin kemi diskutuar për rëndësinë e politikave gjeopolitike por edhe atyre globale. Kemi diskutuar për proceset që po kalon ministria e Mbrojtjes. Kemi diskutuar edhe për avancimin që kemi bërë ditëve të fundit për ndryshimin e ligjeve, ngritjen e kapaciteteve. E kam falënderuar për rolin që e ka luajtur Italia gjatë luftës, e pas luftës, por edhe atyre që sot kontribuojnë. Për vitin 2023 kemi nënshkruar marrëveshje bilaterale, kemi pasur diskutim të mirëfillt për gjendjen e sigurisë në rajon dhe botë, për gjendjen aktuale që gjendet Ukraina, roli i Kosovës, ofrimin që e ka dhënë Republika e Kosovës për mbështetjen e shtetit të Ukrainës por edhe trajnimeve që i kemi ofruar shtetit të Ukrainës”, tha ndër tjerash ai.
Ndërkaq, Crosseto tha se është diskutuar edhe për sitatën aktuale mes Kosovës e Serbisë.
“Rëndësia e kësaj pjese të botës është dëshmuar në 20 vitet e fundit me kontigjentin e pjesës së Forcës së Sigurisë në Kosovë. Me këtë dëshirojmë të shprehim interesimin e Italisë në Ballkanin Perëndimor në vitet që vijojnë. Me ministrin Mehaj kemi diskutuar në shumë pika, kemi biseduar dhe e kam falënderuar për qëndrimin që ka pasur Kosova në situatat dramatike në Ukrainë. E kam falënderuar ministrin për mikpritjen e trupave italiane. Kemi biseduar për aspiratat e Kosovës për bashkangjitje në NATO. Kemi biseduar edhe për tema më të zorshme, siç është gjendja aktuale në kufijtë e pjesës veriore me Serbinë”, tha ai.
Madje, ministri italian thotë se kanë diskutuar edhe për gatishmërinë e tyre për kapërcimin e ngërçit të Kosovës me Serbinë.
“Për shqetësimet e Italisë me situatën që ka ndodhur javëve të fundit. Dhe për gatishmërinë e Italisë që ta shohim se si mund të kalohet ngërçi i Kosovës me Serbinë. Objektivi i dy vendeve është që të bëhen pjesë e bashkësisë ndërkombëtare. Në familje të gjithë duhet të dinë të bashkëjetojnë. Ky është objektivi ynë që kemi si Itali dhe për të cilën japim gatishmëri. Kjo pjesë e Evropës është shumë e rëndësishme”, ka thënë ai./teve1.info/
