Është liruar në procedurë të rregullt i arrestuari i tretë i dyshuar si përfshirë në rastin e grabitjes në një argjendari në Suharekë.
Lajmin për teve1.info e ka konfirmuar prokuroja e rastit, Ervehe Gashi.
Ajo tha se nuk ka pasur prova të mjaftueshme që ndaj tij të bëhet kërkesë për caktimin e masës së paraburgimit.
I dyshuari i tretë ishte arrestuar të dielën.
Ndërkaq, për dy të arrestuarit e tjerë në këtë rast Gjykata Themelore e Prizrenit ka marrë vendim që t’ua shqiptojë masën e paraburgimit me kohëzgjatje prej 30 ditësh. Duke llogaritur nga data e arrestimit më 25 nëntor.
