Në Mynih të Gjermanisë në ditën kur po mbahet Konferenca e Sigurisë janë organizuar dy protesta, disa metra larg objektit ku po mbahet konferenca.
Një në përkrahje të luftës së Ukrainës dhe tjetra e cila kundërshton dërgimin e armëve nga Gjermania për Ukrainën.
Në protestën e cila i jep mbështetje luftës së Ukrainës kundër pushtimit të Rusisë, siç shihet edhe nga fotografitë e bëra nga teve1.info krahas pankartave janë edhe flamujt e Kosovës dhe Shqipërisë.
Ndërsa, një grup tjetër i qytetarëve kanë protestuar për të kundërshtuar dërgimin e armëve nga Gjermania në Ukrainë.
Protesta po mbikëqyren nga masa të forta të sigurisë.
Gjermania do t’i dërgojë armë Ukrainës për aq sa është e nevojshme, tha ditë më parë kancelari gjerman Olaf Scholz, ndërsa shtoi se është e qartë se Ukraina i përket Evropës. Udhëheqësi gjerman tha se vendi i tij do të angazhohet që Ukraina të marrë statusin e vendit kandidat për anëtarësim në Bashkimin Evropian.
Në Konferencën e Sigurisë në Munih, krahas liderëve botëror po marrin pjesë edhe presidentja e Kosovës, Vjosa Osmani dhe kryeministri i Kosovës, Albin Kurti dhe ministrja e Jashtme Donika Gërvalla.
Lufta në Ukrainë ka qenë tema dominuese në këtë konferencë./teve1.info/
