Në një adresim për media pas takimit me deputetët e Aleancës për Ardhmërinë e Kosovës, Jasharaj tha se koeficienti mund të përcaktohet sipas tekeve të ministrit të Financave, Hekuran Murati.
“Brengë e jona është dhe dyshojmë se është një mashtrim i radhës, kur nuk përcaktohet qartë vlera e koeficientit, ngase mund të kemi koeficiente në dukje tepër të mëdha, të lartë por kur vlera nuk dihet a po bëhet sipas tekes së ministrit Murati, mund të ketë një zhgënjim të ardhshëm”, tha Jasharaj.
Madje, ai ka bërë thirrje ndaj deputetëve të jenë zë i vazhdueshëm i sindikatave, pasi që vlerëson se ka një tendencë që zëri i tyre të shtypet.
Po ashtu, Jasharaj u shpreh optimist se janari do t’ua sjellë Ligjin e Pagave, por që mendon se kjo është vetëm një dëshirë e parealizuar.