Ajo këtë e ka deklaruar në një përgjigje në Instagram, kur është pyetur nga një qytetar se a kanë alternativë nëse opozita e bllokon këtë proces.
Haxhiu ka shtuar se synojnë ndryshimet kushtetuese dhe janë të gatshëm të bashkëpunojnë me secilin subjekt politik.
“Ne synojmë ndryshimet kushtetuese dhe jemi të gatshëm të bashkëpunojmë me secilin subjekt politik, pra edhe partitë opozitare. Sigurisht që kemi edhe planin B me ndryshime ligjore”, ka shkruar Haxhiu në një përgjigje ku është pyetur edhe për shumë tjera.
Ajo është pyetur edhe për pastrimin e listave të veteranëve të UÇK-së, gjë e cila ka thënë se do të ndodhë
“Kushdo qoftë që edhe një minutë e ka mbajtur uniformën e UÇK-së, meriton përulësi, respekt dhe mbështetjen nga shteti, por jo edhe ata të cilët nuk kanë qenë në luftë. Ata nëse nuk tërhiqen, duhet të largohet nga lista sepse është dëm i madh i së kaluarës, tashmes dhe së ardhmes”, ka shkruar ajo.
Komisioni i Venecias i ka thënë “PO” vetingut në sistemin e drejtësisë dhe projektligjin për byronë për konfisikimin e pasurisë së pajustifikueshme.
Pas këtij konfirmimi të shtunën kryeministri Albin Kurti së bashku me ministren Haxhiu kanë mbajtur konferencë për medie ku kanë vlerësuar si ky është një moment i reformimit në sistemin e drejtësisë./teve1.info/
