Ajo, në seminarin e Asamblesë Parlamentare të NATO-s të dielën tha se Evropa duhet ta pyesë veten se si po e lejon Serbinë të del pro agresionit rus mbi Ukrainë.
“Evropa duhet të pajtohet me realitetin e ri, kemi të bëjmë me një Rusi brutale, agresive. Kemi të bëjmë me një lidership serb që është shumë agresiv, kemi të bëjmë me bashkëpunim të ngushtë ekonomik dhe ushtarak mes Rusisë dhe Serbisë. Rusia i ka ofruar Serbisë një arsenal ushtarak, dhe ky e ka për qëllim të përdoret si kërcënim ndaj fqinjëve. Dialogu me Serbinë nuk ka të bëjë të targat e automjeteve, Evropa nuk është ankuar dhe as nuk ka kërkuar nga Serbia që t’i përmbushë detyrat që lindin nga marrëveshjet e nënshkruara në dialog”, ka thënë Gërvalla.
Ajo tha se Kosova është vend sovran i njohur ndërkombëtarisht dhe se nuk ka asnjë analogji me vendet tjera.
“Veprimet agresore të Rusisë, të Putinit në mbarë rajonin jo vetëm që janë agresive por janë edhe të jashtëligjshme. Mosnjohja e vendit tonë i dërgon një mesazh Putinit dhe agjendave të tij, Kosova është vend sovran i njohur ndërkombëtarisht dhe nuk ka asnjë analogji me rajonet e tjera dhe vendet e tjera anëtare të BE-së, ku disa pakica përfshihen në separatizëm për shkak së në këtë vend ka pushtet demokratik”, tha ai.
Gërvalla foli edhe për solidaritetin e popullit të Kosovës me Ukrainën dhe rreshtimin me ShBA-të dhe BE-në, lidhur me sanksionet që janë vendosur ndaj agresorit rus./teve1.info/
