Përfaqësuesi i Lartë i BE-së, Josep Borrell ka zhvilluar një bisedë telefonike me ministrin e Jashtëm turk Mevlut Cavusoglu.
Në një postim në Twitter, Borrell thotë se BE, do të vijojë mbështetjen në procesin e kërkim-shpëtimin si edhe do të kontribuojë në rindërtim të vendit pas tërmetit.
“Fola në telefon me MevlutCavusoglu. Shpreha ngushëllimet e mia më të sinqerta dhe solidaritetin me njerëzit e Turqisë për tërmetet shkatërruese. BE-ja do të vazhdojë të mbështesë përpjekjet e ndihmës dhe të kontribuojë në rindërtim”, shkruan Borrell.
Tërmeti 7.7 Rihter në Turqinë jugore dhe Sirinë veriperëndimore ka lënë të vdekur mbi 40 mijë persona, ndërsa që ka shkaktuar dëme të mëdha.
Ekipet e kërkim-shpëtimit janë duke vazhduar në nxjerrjen e njerëzve të gjallë nga rrënojat.
Të mërkurën është nxjerrë e gjallë edhe një grua e moshës 72-vjeç, 212 orë pas tërmetit në Turqi/teve1.info/
Spoke on the phone with @MevlutCavusoglu to express my sincerest condolences and solidarity with people of #Türkiye over the devastating earthquakes.
The EU will continue supporting relief efforts and contribute to the reconstruction.
— Josep Borrell Fontelles (@JosepBorrellF) February 15, 2023