Bajqinovci ka thënë se Serbia po bëhet vazhdimisht më agresive, sipas tij po duan me çdo kusht t’a destabilozjnë Kosovën përmes sulmeve ndaj institucioneve të sigurisë, shkruan teve1.info
“Një sulm i ri nga strukturat kriminale të dirigjuara nga Serbia, me mënyrën e vjetër që po e praktikojnë disa herë brenda dy javësh ndaj policisë së Kosovës. Saktësisht siç e pata parashikuar: Serbia po bëhet vazhdimisht më agresive, po duan me çdo kusht t’a destabilizojnë Kosovën përmes sulmeve me armë zjarri ndaj institucioneve të sigurisë si dhe përmes dezinformatave”, ka shkruar Bajqinovci
Bajqinovci e ka quajtur këtë sulm akt kriminal me elemente terroriste, dhe ka kërkuar që ky sulm të dënohet nga të gjithë.
“Sulmi i dytë brenda dy jave me armë zjarri në drejtim të Policisë gjatë ndrrimit të turneve duhet të dënohet nga të gjithë, poashtu bashkësia ndërkombëtare duhet reaguar dhe të dënojë këtë akt kriminal me elemente terroriste.Shtrirja e autoritetit në veri të shtetit tonë nga policia po e pengon serbinë dhe po bëhet e padurueshme për strukturat kriminale të serbisë që operojnë në veri”, ka shkruar ai.
“Serbia po e konfirmon se e ka zgjedhur anën e Rusisë”, shtoi ai.
