Në njoftimin e policisë thuhet se pas marrjes së informatës për një rast dhune në familje në fshatin Vitomiricë të Pejës, gjatë bastisjes në shtëpinë e të dyshuarit janë gjetur edhe armë pa leje.
“Njësiti i hetimeve pranë Stacionit Policor në Pejë, me urdhër të gjyqtarit të procedurës paraprake, ka bastisur shtëpinë e të dyshuarit, dhe gjatë bastisjes janë gjetur dhe sekuestruar: 1 pushkë gjysmë automatike ,1 arme automatike, 212 fishekë cal 7.62x25mm, 152 fishekë cal 7.62x39mm”, thuhet në njoftim.
Sipas policisë personi i dyshuar është arrestuar dhe pas intervistimit me vendim të prokurorit është liruar në procedurë të rregullt.
