Haradinaj ka shkruar se shumicën e të rënëve e kishte rastin t’i njihte në vijën e frontit, përderisa të njëjtit shkonin në Shqipëri për t’i furnizuar me armatim ushtarët e UÇK-së.
“Rënia e tyre u bë frymëzim për ne që të vazhdonim luftën deri në çlirim. Emrat e tyre janë pjesë e historisë më të re të Kosovës dhe lavdia për ta do të jetë e përjetshme”, ka shkruar ai.
Ndryshe, janë bërë 24 vjet nga masakra në fshatin Rogovë të Hasit. Në datat 27, 28 dhe 29 janar të vitit 1999, në këtë fshat ranë dëshmorë 21 persona.
