Dy qytetarë janë gjobitur me nga 300 Euro si dhe nga 3 muaj heqje të së drejtës për ngasje të automjetit, pasi e kanë tejkaluar dyfishin e shpejtësisë së lejuar, raporton teve1.info
Sipas komunikatës së Policisë, rastet kanë ndodhur në Mitrovicë, në rrugën magjistrale Mitrovicë-Skenderaj, ku njëri shofer e kishte ngalur automjetin 105 kurse tjetri 123 në rrugën me kufizim 40 kilometra në orë.
“Njësia e Trafikut në kuadër të Drejtorisë Rajonale të Policisë në Mitrovicën e Jugut, gjatë kontrollit të trafikut rrugor në rrugën rajonale Mitrovicë-Skenderaj, në segmentin rrugor në fshatin Klinë e mesme, gjatë matjes së shpejtësisë me radar kanë identifikuar dy vetura të cilat zhvillon shpejtësi prej 123 dhe 105 km/h në zonën ku kufizimi i shpejtësisë është 40 km/h.
Ndaj dy kundërvajtësve janë shqiptuar gjoba nga 300 euro, si dhe masa mbrojtëse-ndalimi i drejtimit me mjet motorik prej tre (3) muajsh”, thuhet në njoftimin e Policisë.
