Kryetari i Partisë Socialdemokrate të Kosovës, Dardan Molliqaj, tha se Kryeministri i Kosovës Albin Kurti, sot do ta nënshkruaj marrëveshjen e Kosovës me Serbinë me Asociacionin në qendër dhe pa njohje, raporton teve1.info
Pas një aksioni simbolik të organizuar nga PSD, Mollliqaj tha se i gjithë tensioni në veri të Kosovës është krijuar për të justifikuar marrëveshjen ndërmjet Kosovës dhe Serbisë me Asociacionin e Komunave me Shumicë serbe në Kosovë në qendër të saj.
“Nga njohja në qendër në Asociacionin në qendër. Pra qendra e marrëveshjes që sot do të prnanohet nga Kurti e ditëve n vijim do të nënshkruhet, është Asociacioni i cili në termat juridik dhe politik është entitet paralel politik, juridik dhe i sigurisë në Kosovës.
Ajo që ne e kemi thënë me kohë e për fatin e keq të Kosovës doli e vërtetë, të gjitha tensionet në veri kanë qenë tensione për Asociacion, për me justifiku Asociacionin, për me mrri te kjo pikë që sot është shumë e keqe për Kosovën”, tha Molliqaj.
Ai e akuzoi Qeverinë e Kosovës edhe për jotransparencë në procesin e dialogut me Serbinë.
“Dialog më të mbyllur, më jodemokratik, më jotransparent nuk kam dëgjuar të ketë pasur ndonjëherë në vendet që pretendohet që janë demokratike siç është Kosova.
Sot Kosova, përkatësisht kryeministri e pranon marrëveshjen në të cilën në qendër e ka Asociacionin dhe qytetarët e Kosovës, mediet madje as deputetët nuk e dinë cila është ajo marrëveshje.
Siç e keni parë gjatë gjithë kohës është dok që Kurti dhe Vuçiqi janë në një konflikt e gjatë gjithë asaj kohe në Bruksel kanë ndodh marrëveshjet. Pra neve na kanë jep konflikt, e Vuçiqit koncesion”, tha Molliqaj.
Ai i ka ftuar të gjithë qytetarët që siç ka thënë Molliqaj, e kundërshtojnë njëmend Asociacionin, të bëhen bashkë në aksione e protesta në ditët në vazhdim për ta ndaluar një marrëveshje të tillë.
“Ftojmë secilin qytetar e aktivist që të bashkohet në këtë kudnërshtim për shkak se kjo marrëveshje në qendër e ka Asociacionin, nuk ka njohje nga Serbia e as nga 5 shtetet anëtare të BE-së në Bllok, i vetmi mund të jetë liberalizimi i vizave dhe eventualisht anëtarësimi i Kosovës në Këshillin e Evropës.
Kurti nuk ka mandat për këtë marrëveshje, gara elektorale e vitit 0221 nuk është garu me themelim të Asociacionit dhe marrëveshje pa njohje.
Në kuadër të kësaj Kurti e ka shkel vullnetin e qytetarëve të vitit 2021, vullnetin e mbi 200 mijë qytetarëve që e kanë nënshkru peticionin dhe sakrificën e secilit qytetar e aktivist prej arrestimeve e lëndimeve e deri te humbja e jetës së tyre siç është rasti i Astrit Deharit.
Prandaj nuk mund ta festosh ditëlindjen e Astritit dje e sot të shkosh ta shkulësh kauzën e Astritit duke e nënshkruar pikërisht marrëveshjen për të cilën ai ka vdekur”, tha Molliqaj.
