Deputeti i Lidhjes Demokratike të Kosovës, Arben Gashi, tha se Kosova duhet ruajtur nga Serbia, Rusia dhe “budallakitë e Kurtit”.
Tutje ka thënë se Kurti në rrafshin ndërkombëtar i ka dëmtuar raportet e Kosovës me aleatët.
“Duhet të kuptojmë se si funksionon dhe çfarë rezultati arrin me këtë kryeministër. A ju kujtohet kauza e reciprocitetit, e në fund 360 milionë euro eksporte nga Serbia. A ju kujtohet kriza për targa, një Kosovë e një komunitet ndërkombëtar e ngriti në këmbë, e tash asgjë. Tani çka e ke tu ofrosh kundërshtarëve të shtetit. A je i vetëdijshëm se pasuria më e madhe është partneri me Amerikën dhe aleatët tanë. Këtë themel e k ndërtuar i pari i shtetit tonë, presidenti Rugova. Ju po mundoheni të na tregoni se kush është Serbia, a neve po na tregon a? Është skandal i madh gjuha që e përdorni ndaj sekretarit Blinken”, u shpreh Gashi.
“Një objektiv e ka pasur Serbia largimin e aleatëve nga Kosova, dhe këtë objektiv po e arrin ti”, tha ai.
“Kosova e meriton kthimin e sovranitetit në veri, Kosova është storie suksesi e ndërkombëtareve. Ta ruajmë Kosovën nga Serbia, Rusia dhe budallakia e kryeministrit. Kosova s’i ka borxh askujt, të gjithë i kemi borgj Kosovës”, ka thënë Gashi.
Pas kësaj ka ndërhyrë kryetari Konjufca, duke bërë thirrje për kujdes të fjalorit parlametnar.
