Këshilltarja e kryeministrit Albin Kurti për Preshevë, Medvegjë dhe Bujnoc, Ardita Sinani, nuk është lejuar nga policia serbe të kaloj kufirin me Kosovën në Muçibabë, raporton teve1.info
Përmes një statusi në Facebook, Sinani ka shkruar se një ndalim i tillë nga policia serbe është kosto e të qenit këshilltare e kryeministrit Kurti, derisa ka thënë se ky rast është shtytje për të folur me zë më të lartë për diskriminimin shtetëror ndaj shqiptarëve në Serbi.
“Sot, rreth orës 10:00 në vendkalimin kufitar me Republikën e Kosovës, në Muçibabë, jam ndaluar nga policia kufitare serbe për mbi një orë.
Arsyetimi i vetëm që mu dha nga policët kufitarë të Serbisë ‘Kemi urdhër për ndalimin tuaj dhe nuk mund të të lejojmë ta kalosh kufirin pa marrë pëlqim nga baza.
Asnjë sqarim shtesë për arsyen, apo se kush është baza që duhet pyetur dhe marrë leje për të kaluar kufirin”, ka shkruar ndër të tjera Sinani.
