Aeroporti Ndërkombëtar “Adem Jashari” i ka regjistruar 400 mijë qytetarë të cilët e kanë shfrytëzuar transportin ajror gjatë muajit korrik apo rreth 9 për qind më shumë se vitin e kaluar, raporton teve1.info
Zëdhënësja e Aeroportit, Valentina Gara, ka thënë për teve1.info se gjatë kësaj periudhe është rritur edhe numri i fluturimeve për 2 për qind krahasuar me muajin e njëjtë ët vitit të kaluar.
“Nga Janari i këtij viti e deri më sot përmes Aeroportit Ndërkombëtar të Prishtinës ‘Adem Jashari’, kanë kaluar pothuajse 2 milion udhëtarë, ndërsa vetëm në muajin korrik përmes këtij aeroporti kanë kaluar 400 mijë udhëtarë, duke shënuar një rritje të përgjithshme në numër të udhëtarëve në këtë vit prej rreth 14% dhe në numër të fluturimeve rreth 6%”, ka thënë Gara.
Sipas saj, destinacionet me më së shumti udhëtarë dhe fluturime janë regjistruar Zvicra dhe Gjermania të cilat pasohen nga Turqia, Austria etj.
