Arbër Vokrri, zëvendësministri i Administrimit dhe Pushtetit Lokal, ka thënë se hyrja në fuqi e rregullores së BQK-së për ndalimin e dinarit në Kosovë, ka krijuar vështirësi në marrjen e mjeteve për banorët serbë në formë të pensionit apo formave tjera.
“Ka ngecje në pranim të shumave të parave në formë të pensioneve apo formave tjera”, ka thënë ai në emisionin “InfoNata” në Tëvë1.
Vokrri duke komentuar se nëse ky vendim ka ngjallur pakënaqësi, ka përmendur një bisedë që ka zhvilluar me një qytetar serb në Graçanicë e që sipas Vokrrit e zhurmën për këtë situatë e ka cilësuar të panevojshme.
Zëvendësministri ka thënë se më këtë vendim nuk bëhet fjalë për diskriminim ndaj qytetarëve serbë, dhe se afati prej tre muaj nga BQK nëse është e nevojshme mund të shtyhet.
Sa i përket kryetarëve të komunave në veri, ai ka thënë se ata po ballafaqohen me presion të madh edhe nga faktori ndërkombëtar, e që sipas tij kjo nuk është e drejtë.
