Tutje, Syla tha se ardhja e Latifit nga një sistem amerikan, ka bërë që idetë e tij të mos përkojnë me realitetin në Kosovë.
“Vetëm një herë jam takuar me Latifin. Mirëpo, kam parë që ai në fakt ka ardhur me disa ide të cilat nuk përkojnë me realitetin në Kosovë. Pra, Latifi ka ardhur nga një sistem amerikan. Po ashtu, ka pasur bllokada të vazhdueshme nga grupe të ndryshme të interesit, duke filluar nga Ministria e Shëndetësisë e mandej vazhdon zinxhir. Latifin e kanë sjellë nga Amerika për të dhënë kontribut, por në anën tjetër e kanë bojkotuar skajshmërisht. Ai pothuajse nuk është pyetur fare për vendimet e tij”, tha Syla i ftuar në emisionin “Infonata”.
Gjithashtu, Syla në Tëvë1 theksoi se Latifi nuk ka pasur aspak mbështetje politike.
Ndërkaq, pas dorëheqjes së Latifit, Kryeministri Kurti dje ka emëruar zëvendësministren Dafina Gexha-Bunjaku për ushtruese të detyrës së Ministres në Ministrinë e Shëndetësisë./Tëvë1.info/
