Policia e Kosovës kërkon bashkëpunimin e qytetarëve dhe mediave për lokalizimin e një personi të dyshuar për veprën penale “lëndim i rëndë trupor” i cili ndodhet në arrati.
Sipas njoftimit, personi i dyshuar është Fisnik (Muharrem) Qenaj banorë i fshatit Romajë të Prizrenit.
“Në lidhje me rastin nuk është arritur të sigurohet prezenca e personit në fjalë. Edhe përkundër angazhimeve të shumta hetimore dhe operative ai ende gjendet në arrati.Policia e Kosovës, kërkon nga qytetarët e Republikës së Kosovës: kushdo që ka informacion për vendndodhjen e personit të dyshuar të paraqitur në fotografinë e bashkangjitur, të lajmërojnë Policinë e Kosovës apo stacioni më të afërt policor”, thuhet në njoftim.
Rasti është inicuar në Stacionin Policor në Gjakovë. /teve1.info/
