Ambasadori i Shteteve të Bashkuara të Amerikës, deklaroi që Këshilli Prokurorial i Kosovës, duhet të sigurojë një proces të drejtë e transparent, për përzgjedhjen e prokurorit të ardhshëm të shtetit.
Hovenier konsideroi se një gjë e tillë është e nevojshme për rikthimin e besimit tek publiku dhe partnerët ndërkombëtar.
“Para dy viteve kam qenë në këtë konferencë dhe i kam kërkuar Këshillit Prokurorial të Kosovës që të sigurojë një proces të drejtë transparent dhe meritor për përzgjedhjen e Prokurorit të ardhshëm të Shtetit. Në këtë konferencë do ta bëjë të njëjtën kërkesë, dhe me vjen keq që po bëj dy vite më vonë, por qeveria ime beson se Këshilli Prokurorial i Kosovës duhet të ndërmarrë hapat e nevojshëm për të vepruar me standardet e qeverisë së mirë dhe për të rikthyer besimin e publikut dhe partnerëve ndërkombëtarë”. u shpreh Hovenier në fjalën e tij në konferencën vjetore të prokurorëve”.
Njëherit, ambasadori amerikan ka inkurajuar për të punuar më shumë për krijimin e një kulture të llogaridhënies dhe profesionalizimit.
Sot është mbajtur konferenca vjetore e prokurorit të shtetit.
Në këtë konferencë morën pjesë u.d. i kryeprokurorit të Shtetit, Besim Kelmendi, ambasadori i Shteteve të Bashkuara, Jeffrey Hovenier, shefi i Zyrës së Bashkimit Evropian, Tomas Szunyog.
Po ashtu, të pranishëm ishin edhe kryetari i Gjykatës Supreme, Fejzullah Rexhepi, kryesuesi i Këshillit Gjyqësor, Albert Zogaj si dhe kryesuesi i Këshillit Prokurorial, Ardian Hajdaraj./teve1.info/.
