Njëri nga personat e dënuar për vrasjen e politikanit serb, Oliver Ivanoviq, dyshohet se është arratisur dhe gjendet jashtë Kosovës.
Policia e Kosovës ka konfirmuar se në ditën kurë është marrë vendimi, në orën kanë marrë vendimin për arrestimin e të dënuarit, por që nuk e kanë gjetur në shtëpi.
Lajmin për teve1.info e ka konfirmuar zëvendësdrejtori i Policisë së Kosovës për rajonin e veriut, Veton Elshani.
Ai ka thënë se besojnë që i apostrofuari për arratisje Marko Roshiq,nuk gjendet në Kosovë
“Ditën kur është marrë vendimi ka qenë diku rreth orës 11:00. Neve na kanë sjellë vendimin për ekzekutimin e dënimit rreth orës 15:00. Po atë ditë [ditën kur është marrë vendimi nga gjykata], ne kemi shkuar për ta arrestuar por ai s’ka qenë në shtëpi dhe ne besojmë se ai nuk është në Kosovë”, tha Elshani.
Gjykata i dënon katër persona me burgim për përfshirje në vrasjen e Oliver Ivanoviqit
